கார்த்தியின் அடுத்த படத்தின் டைட்டில்?
- IndiaGlitz, [Monday,May 28 2018]
கார்த்தி, ரகுல் ப்ரித்திசிங் நடித்த 'தீரன் அதிகாரம் ஒன்று' திரைப்படம் கடந்த சில மாதங்களுக்கு முன் வெளியாகி மிகப்பெரிய வெற்றியை பெற்றது. அதனையடுத்து கார்த்தி தற்போது இயக்குனர் பாண்டிராஜ் இயக்கத்தில் உருவாகியுள்ள 'கடைக்குட்டி சிங்கம்' என்ற படத்தில் நடித்து முடித்துள்ளார். இந்த படத்தில் சாயிஷா மற்றும் பிரியா பவானிசங்கர் நாயகிகளாக நடித்துள்ளனர். இந்த படத்தின் ரிலீஸ் தேதி விரைவில் அறிவிக்கப்படவுள்ளது.
இந்த நிலையில் கார்த்தி தற்போது ரஜத் ரவிசங்கர் என்ற அறிமுக இயக்குனர் இயக்கி வரும் படத்தில் நடித்து வருகிறார். இந்த படத்தில் மீண்டும் ரகுல் ப்ரித்திசிங் கார்த்தியுடன் ஜோடி சேர்ந்துள்ளார். இந்த படத்தின் படப்பிடிப்பு இந்தியாவின் பல பகுதிகளில் விறுவிறுப்பாக நடைபெற்றுவருகிறது.
இந்த நிலையில் இந்த படத்திற்கு மூன்று டைட்டில்களை படக்குழுவினர் தேர்வு செய்து வைத்துள்ளதாகவும், அதில் ஒன்று 'தேவ்' என்றும் கூறப்படுகிறது. 'தேவ்' என்பது இந்த படத்தின் நாயகன் பெயரா? அல்லது வேறு ஏதாவது அர்த்தமா? என்பது போக போகத்தான் தெரியவரும்