இன்று முதல் கார்த்தியின் புதிய அத்தியாயம்
- IndiaGlitz, [Saturday,April 28 2018]
கோலிவுட் திரையுலகின் இளையதலைமுறை நடிகர்களில் ஒருவர் கார்த்தி. இவருடைய நடிப்பில் பாண்டிராஜ் இயக்கிய 'கடைக்குட்டி சிங்கம்' திரைப்படத்தின் படப்பிடிப்பு சமீபத்தில் முடிந்தது. இந்த படத்தின் போஸ்ட் புரடொக்சன்ஸ் பணிகள் விரைவில் தொடங்கப்படவுள்ளது.
இந்த நிலையில் கார்த்தியின் அடுத்த படமான 'கார்த்தி 17' திரைப்படத்தின் படப்பிடிப்பு சமீபத்தில் பூஜையுடன் தொடங்கியது என்பதை பார்த்தோம். இந்த நிலையில் இந்த படத்தில் கார்த்தியின் காட்சிகள் இன்றுமுதல் படமாக்கப்படவுள்ளது.
இன்று முதல் ஜூன் 4 வரை சென்னை மற்றும் ஐதராபாத்தில் 'கார்த்தி 17' படத்தின் படப்பிடிப்பு நடைபெறவுள்ளதாகவும் இந்த படத்தில் கார்த்தி வித்தியாசமான லுக்கில் ஸ்டைலிஷாக இருப்பார் என்றும் இயக்குனர் ரஜத் தெரிவித்துள்ளார்.
இந்த படத்தில் கார்த்தி ஜோடியாக 'தீரன் அதிகாரம் ஒன்று' படத்தில் நடித்த ரகுல் ப்ரித்திசிங் நடிக்கவுள்ளார். மேலும் ரிலையன்ஸ் பிக்சர்ஸ் நிறுவனம் வழங்கும் இந்த படத்தை பிரின்ஸ் பிக்சர்ஸ் S. லக்ஷ்மன் குமார் தயாரிக்கிறார். ஹாரிஸ் ஜெயராஜ் இசையமைக்கும் இந்த படத்திற்கு வேல்ராஜ் ஒளிப்பதிவும், ரூபன் படத்தொகுப்பு பணியும் செய்கின்றனர்.