కొత్త టెక్నాలజీతో కార్తీ 'కాష్మోరా'...
- IndiaGlitz, [Monday,October 03 2016]
యంగ్‌ హీరో కార్తీ కథానాయకుడిగా పి.వి.పి. సినిమా, డ్రీమ్‌ వారియర్‌ పిక్చర్స్‌ పతాకాలపై గోకుల్‌ దర్శకత్వంలో పెరల్‌ వి. పొట్లూరి, పరమ్‌ వి. పొట్లూరి, కెవిన్‌ అన్నె, ఎస్‌.ఆర్‌.ప్రకాష్‌ బాబు, ఎస్‌.ఆర్‌.ప్రభు నిర్మిస్తున్న భారీ చిత్రం 'కాష్మోరా'. ఈ చిత్రంలో కార్తీ మూడు డిఫ‌రెంట్ గెట‌ప్స్‌లో క‌నిపించ‌నున్నాడు. అందులో ఒక గెట‌ప్‌ను చిత్ర‌యూనిట్ రిలీజ్ చేసింది. ఆస‌క్తిక‌ర‌మైన విష‌యం ఏంటంటే ఈ సినిమాలో త్రీడీ ఫేస్ టెక్నాల‌జీని ఉప‌యోగిస్తున్నార‌ట. ఈ సినిమా ట్రైలర్, ఆడియో విడుదల కార్యక్రమం అక్టోబర్ 7న నిర్వహించనున్నారు. సినిమాను తెలుగు, త‌మిళంలో అక్టోబర్ 28న విడుదల చేయ‌డానికి స‌న్నాహాలు చేస్తున్నారు. న‌య‌న‌తార, శ్రీదివ్య హీరోయిన్స్‌గా న‌టిస్తున్నారు.