தனுஷ் நடித்து முடித்துள்ள ’கர்ணன்’ திரைப்படத்தில் இடம்பெற்ற ’கண்டா வரச்சொல்லுங்க’ என்ற பாடலை பாடிய மாரியம்மாள் நமக்கு அளித்த பிரத்யேக பேட்டியில் மாரி செல்வராஜ் அவர்கள் என்னை இமயத்தின் உச்சியில் போய் உட்கார வைத்து விட்டார் என்று கூறியுள்ளது பெரும் ஆச்சரியத்தை அளித்துள்ளது

கிராமிய பாடல்கள் பாடும் மாரியம்மாள் பாடிய கண்டா வரச்சொல்லுங்க’ என்ற பாடல் மிகப்பெரிய ஹிட் ஆகியுள்ள நிலையில் இந்த பாடல் உருவான விதம் குறித்து நம்மிடம் மாரியம்மாள் பகிர்ந்துகொண்டார். முதன்முதலில் மாரி செல்வராஜ் தன்னிடம் போனில் பேசிய போது தான் நம்பவில்லை என்றும் அதன்பிறகு ஆச்சரியம் அடைந்ததாகவும் தன்னுடைய பாடலை ஏதோ ஆடியோ ஒலி கேட்டு அவர் என்னை அழைத்ததாகவும் கூறினார் அதன் பின்னர் ஒரு வாரம் கழித்து இசையமைப்பாளர் சந்தோஷ் நாராயணன் எனக்கு போன் செய்து என்னை வரச் சொன்னார் என்றும், அதன் பிறகு நான் பாடிய பாடல் ஒலிப்பதிவு செய்யப்பட்டதாகவும் கூறினார். நான் பாடிய பாடலை கேட்டு தனுஷ் அவர்கள் பாராட்டியதாகவும் அந்த பாராட்டு எனக்கு மிகுந்த பெருமையாக இருந்தது என்றும் கூறினார்

என்னை இமயத்தின் உச்சியில் மாரி செல்வராஜ் அவர்கள் உட்கார வைத்து உள்ளார் என்றும் அவருக்கு எனது நன்றி என்று மாரியம்மாள் கூறினார். அவர் அளித்த பேட்டியின் முழு வீடியோவை இதோ பார்க்கலாம்.