6 மாதத்தில் கட்சி, 2021ல் முதல்வர்: ரஜினி குறித்து பிரபல அரசியல்வாதி
- IndiaGlitz, [Friday,September 27 2019]
சூப்பர் ஸ்டார் ரஜினிகாந்த் அரசியல் கட்சி ஆரம்பிக்கவிருப்பதாக கடந்த 2016ஆம் ஆண்டு அறிவித்து அதன்பின் அதற்கான பணிகளை செய்து வந்தார். கட்சி ஆரம்பிக்கும் பணிகள் 90% முடிந்துவிட்டதாகவும், கட்சியின் பெயர், கொள்கைகள் விரைவில் அறிவிக்கப்படும் என்றும் பல பேட்டிகளில் அவர் தெரிவித்து வந்தார்.
இந்த நிலையில் சமீபத்தில் காங்கிரஸ் கட்சியில் இருந்து சஸ்பெண்ட் ஆன கராத்தே தியாகராஜன் செய்தியாளர்களை சந்தித்தபோது, ‘ரஜினிகாந்த் 2020ஆம் ஆண்டு மார்ச் அல்லது ஏப்ரலில் அதாவது இன்னும் ஆறு மாதங்களில் கட்சி ஆரம்பிப்பார் என்றும், 2021ஆம் ஆண்டு நடைபெறும் தேர்தலில் மிகப்பெரிய வெற்றி பெற்று முதல்வராவார் என்றும் 2021ஆம் ஆண்டில் கோட்டையில் கொடியேற்றுவார் என்றும் கூறியுள்ளார்.
மேலும் தமிழகத்தில் ஜெயலலிதா, கருணாநிதியின் வெற்றிடத்தை நிரப்பப் போவது ரஜினி தான் என்றும் கராத்தே தியாகராஜன் தனது பேட்டியில் தெரிவித்தார்.