బాలీవుడ్ న‌టుడు సుశాంత్ సింగ్ రాజ్‌పుత్ ఆత్మ‌హత్య త‌ర్వాత జ‌రిగిన ప‌రిణామాలు బాలీవుడ్ సినీ ప్రముఖులు చాలా మందికి ఇబ్బందిగానే మారింద‌ని చెప్పాలి. ముఖ్యంగా సీబీఐ విచార‌ణ‌లో డ్ర‌గ్స్ కోణం బ‌య‌ట‌కు రావ‌డం మ‌రింత సంచ‌ల‌నంగా మారింది. రంగంలోకి దిగిన ఎన్‌సీబీ, ఈ డ్ర‌గ్స్ కేసులో సుశాంత్ గ‌ర్ల్‌ఫ్రెండ్ రియా చ‌క‌వ్ర‌ర్తి, ఆమె సోద‌రుడు స‌హా మ‌రికొంద‌రినీ అరెస్ట్ చేసింది. బాలీవుడ్ నుండి శాండిల్‌వుడ్‌కి ఈ డ్ర‌గ్స్ కేసు పాకింది. సంజ‌న‌, రాగిణి ద్వివేదిల‌ను పోలీసులు ఆరెస్ట్ చేశారు. అదే స‌మ‌యంలో టాలీవుడ్ సెల‌బ్రిటీల పేర్లు కూడా ప్ర‌ముఖంగా వినిపించాయి.

బాలీవుడ్ విష‌యానికి వ‌స్తే దీపికా ప‌దుకొనే, సారా అలీఖాన్‌, ఆలియా భ‌ట్‌, నిర్మాత క్షితిజ్ ప్ర‌సాద్, క‌రిష్మా ప్ర‌కాశ్‌, మ‌ధు మంతెన‌ స‌హా చాలా మంది స్టార్స్ ఎన్‌సీబీ విచార‌ణ‌కు హాజ‌రయ్యారు. లేటెస్ట్ స‌మాచారం మేర‌కు ప్ర‌ముఖ ద‌ర్శ‌క నిర్మాత క‌ర‌ణ్ జోహార్‌కు ఎన్‌సీబీ నోటీసులు జారీ చేసిన‌ట్లు వార్త‌లు వినిపిస్తున్నాయి. గ‌త ఏడాది క‌ర‌ణ్‌జోహార్ ఇచ్చిన ఓ పార్టీలో డ్ర‌గ్స్ వాడార‌ని ఆరోప‌ణ‌లు వ‌చ్చాయి.దీంతో విచార‌ణకు హాజ‌ర కావాలంటూ ఎన్‌సీబీ క‌ర‌ణ్‌జోహార్‌కు నోటీసుల‌ను జారీ చేసింది. ఈయ‌న త‌ర్వాత ఎన్‌సీబీ ఇంకెంత మందికి నోటీసులిస్తుందో చూడాలి.