பிரமாண்ட இயக்குனர் ஷங்கரின் இயக்கத்தில் உலகநாயகன் கமல்ஹாசன் நடிக்கவுள்ள 'இந்தியன் 2' படத்தின் ஆரம்பகட்ட பணிகள் ஏற்கனவே தொடங்கிவிட்ட நிலையில் இந்த படத்தின் படப்பிடிப்பு விரைவில் தொடங்கப்படும் என எதிர்பார்க்கப்படுகிறது.

ரஜினியின் 2.0 உள்பட பல படங்களை தயாரித்து வரும் லைகா நிறுவனத்தின் பிரமாண்டமான தயாரிப்பில் உருவாகவுள்ள இந்த படத்தில் தற்போது பிரபல கவிஞர் கபிலன் வைரமுத்து இணைந்துள்ளார். இவர் இந்த படத்தில் வசனம் எழுதவுள்ளார் என்பது குறிப்பிடத்தக்கது. இவர் ஏற்கனவே அஜித்தின் 'விவேகம்', கே.வி.ஆனந்தின் 'கவண்' ஆகிய படங்களுக்கு வசனம் எழுதியுள்ளார் என்பது குறிப்பிடத்தக்கது

இந்த படத்தில் நடிக்கும் நடிகர், நடிகையர் மற்றும் தொழில்நுட்ப கலைஞர்கள் தேர்வு நடைபெற்று வருவதாகவும், 'பிக்பாஸ் 2' நிகழ்ச்சிகு பின்னர் இந்த படத்தின் படப்பிடிப்பில் கமல்ஹாசன் கலந்து கொள்வார் என்றும் எதிர்பார்க்கப்படுகிறது.