'கண்ணே கலைமானே' ரிலீஸ் தேதி அறிவிப்பு
- IndiaGlitz, [Thursday,January 31 2019]
பிரபல இயக்குனர் சீனுராமசாமி இயக்கத்தில் உதயநிதி ஸ்டாலின் நடித்த 'கண்ணே கலைமானே' திரைப்படம் சமீபத்தில் சென்சாருக்கு சென்று 'யூ' சான்றிதழ் பெற்றது என்பது தெரிந்ததே. இந்த நிலையில் இந்த படத்தின் ரிலீஸ் தேதி மிக விரைவில் அதிகாரபூர்வமாக அறிவிக்கப்படும் என கூறப்பட்டது.
இந்த நிலையில் உதயநிதி ஸ்டாலின் தனது சமூக வலைத்தள பக்கத்தில் 'கண்ணே கலைமானே' திரைப்படம் வரும் பிப்ரவரி 22ஆம் தேதி வெளியாகும் என அறிவித்துள்ளார். ரிலீஸ் தேதி அறிவிக்கப்பட்டதை அடுத்து இந்த படத்தின் புரமோஷன் பணிகள் தொடங்கவுள்ளன.
உதயநிதி, தமன்னா, வடிவுக்கரசி, வசுந்தரா காஷ்யப் உள்ளிட்ட பலர் நடித்துள்ள இந்த படம் காசி விஸ்வநாதன் படத்தொகுப்பில் ஜலந்தர் வாசன் ஒளிப்பதிவில் உருவாகியுள்ளது. யுவன்ஷங்கர்ராஜா இசையமைத்துள்ள இந்த படத்தை ரெட் ஜெயண்ட் மூவீஸ் நிறுவனம் தயாரித்துள்ளது.