'జెర్సీ' లో కన్నడ హీరోయిన్
- IndiaGlitz, [Saturday,October 13 2018]
నేచుర‌ల్ స్టార్ నాని... గౌత‌మ్ తిన్న‌నూరి ద‌ర్శ‌క‌త్వంలో 'జెర్సీ' అనే సినిమా చేస్తున్న సంగ‌తి తెలిసిందే. ఈ సినిమాలో హీరోయిన్‌గా చాలా పేర్లు ప‌రిశీలన‌లోకి వ‌చ్చాయి. రెబ్బా మోనిక పేరు ప‌రిశీల‌న‌లో వ‌చ్చింది. ఇటీవ‌ల నాగ‌శౌర్య హీరోగా '@న‌ర్త‌న‌శాల' న‌టించిన క‌శ్మీరా ప‌ర‌దేశిని తీసుకోవాల‌నుకుంటున్నార‌ని కూడా వార్త‌లు వినిపించాయి.
అయితే ఇప్పుడు మరో హీరోయిన్ పేరు ప‌రిశీల‌న‌లో ఉన్న‌ట్లు స‌మాచారం. ఆమె కన్నడ హీరోయిన్ శ్ర‌ద్ధా శ్రీనాథ్‌. కన్నడ యు ట‌ర్న్‌తో పాటు త‌మిళంలో విక్ర‌మ్ వేద వంటి చిత్రాల్లో న‌టించింది శ్ర‌ద్ధా శ్రీనాథ్‌. సితార ఎంట‌ర్‌టైన్మెంట్స్ బ్యాన‌ర్‌పై సూర్య‌దేవ‌ర నాగ‌వంశీ నిర్మించ‌బోయే ఈ చిత్రానికి అనిరుధ్ ర‌విచంద్ర‌న్ సంగీతం అందించ‌నున్నారు.