நடிகை மற்றும் காங்கிரஸ் பிரமுகர் மர்மமான முறையில் கொலை செய்யப்பட்டு இருக்கும் நிலையில் அவரது கணவர் தலைமறைவாக இருப்பதாகவும் அவர்தான் நடிகையை கொலை செய்திருப்பதாகவும் கூறப்படுகிறது.

கன்னட திரை உலகில் சில படங்களில் நடித்தவர் நடிகை வித்யா. இவர் கர்நாடக மாநில காங்கிரஸ் பிரமுகராகவும் இருந்து வந்த நிலையில் மைசூரில் கணவர் மற்றும் இரண்டு குழந்தைகளுடன் மைசூரில் வசித்து வந்ததாக தெரிகிறது.

இந்த நிலையில் சம்பவத்தன்று வித்யா மற்றும் அவரது கணவருக்கு இடையே கருத்து மோதல் ஏற்பட்டதாகவும் இதனால் இருவருக்கும் சண்டை வந்ததாகவும் கூறப்படுகிறது. இந்த நிலையில் ஒரு கட்டத்தில் சண்டை முற்றியதால் வித்யாவை அவரது கணவர் கூறிய ஆயுதத்தால் கொலை செய்துவிட்டு தலைமறைவாகி விட்டதாக கூறப்படுகிறது.

இந்த கொலை குறித்த தகவல் அறிந்ததும் உடனடியாக சம்பவம் இடத்துக்கு வந்த காவல்துறை வித்யாவின் பிணத்தை பிரேத பரிசோதனைக்கு அனுப்பி வைத்து விசாரணை செய்து வருவதாக தெரிகிறது.

வித்யாவின் கணவர் நந்திஷ் என்றும், அவரை பிடிப்பதற்காக தனிப்படை அமைக்கப்பட்டு இருப்பதாகவும் கூறப்படுகிறது. நந்திஷ் - வித்யா தம்பதிக்கு இரண்டு பெண் குழந்தைகள் இருக்கும் நிலையில் அவர்களது எதிர்காலம் குறித்து உறவினர்கள் கவலை அடைந்துள்ளனர்.

கன்னட திரைப்படங்களில் நடித்து வந்ததோடு காங்கிரஸ் கட்சியிலும் பிரமுகராக இருந்த வித்யா, திடீரென கணவரால் கொலை செய்யப்பட்டிருப்பது கன்னட திரையுலகினர் மத்தியில் பெரும் அதிர்ச்சியை ஏற்படுத்தி உள்ளது