சூர்யா நடிப்பில் சிறுத்தை சிவா இயக்கத்தில் உருவாகி வரும் ‘கங்குவா’ படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் தற்போது இந்த படத்தின் இறுதிக்கட்ட படப்பிடிப்பு ஹைதராபாத்தில் நடைபெற்று வருகிறது.

இந்த நிலையில் இறுதி கட்டப்பட படிப்பில் பிரபல பாலிவுட் நடிகர் பாபி தியோல் மற்றும் அவருடைய குழுவினர் கலந்துகொள்ளும் காட்சியின் படப்பிடிப்பு நடைபெற்று வருகிறது. இந்த படப்பிடிப்பில் இன்னும் ஒரு நாளில் சூர்யா கலந்து கொள்ள இருப்பதாகவும், சூர்யா மற்றும் பாபிதியோல் மோதும் இந்த படப்பிடிப்புடன் சூர்யாவின் காட்சிகள் முடிவுக்கு வர உள்ளதாக தெரிகிறது. அதுமட்டுமின்றி இன்னும் ஒரு சில வாரங்களில் இந்த படத்தின் ஒட்டு மொத்த படப்பிடிப்பும் முடிந்துவிடும் என்றும் எதிர்பார்க்கப்படுகிறது.

ஏற்கனவே இந்த படத்தின் கிராபிக்ஸ் காட்சிகளின் பணிகள் ஒரு பக்கம் நடந்து வருகிறது என்பது குறிப்பிடத்தக்கது. மேலும் இந்த படத்தை ஆண்டு கோடை விடுமுறையில் வெளியிட படக்குழுவினர் திட்டமிட்டுள்ளதால் விரைவில் போஸ்ட் புரடொக்சன்ஸ் பணிகளும் தொடங்கவுள்ளது என்பது குறிப்பிடத்தக்கது

சூர்யா ஜோடியாக திஷா பதானி நடிக்கும் இந்த படத்தில் யோகி பாபு, ரெடின் கிங்ஸ்லி, கோவை சரளா, ஆனந்தராஜ், ஜெகபதி பாபு, நடராஜன் சுப்பிரமணியம், பாபி தியோல் உள்ளிட்ட பலர் நடித்து வருகின்றனர். ரூ.350 கோடி பட்ஜெட்டில், 10 மொழிகளில் இந்த படம் உருவாகி வருகிறது.