சூர்யா நடித்த ’கங்குவா’ திரைப்படம் நவம்பர் 14ஆம் தேதி உலகம் முழுவதும் பிரம்மாண்டமாக திரையரங்குகளில் வெளியாக இருக்கும் நிலையில், இந்த படத்தின் இசை வெளியீட்டு விழா குறித்த அதிகாரப்பூர்வ அறிவிப்புடன் வீடியோ ஒன்றும் வெளியாகி, அந்த வீடியோ தற்போது இணையத்தில் வைரல் ஆகி வருகிறது.

சூர்யா நடிப்பில், சிறுத்தை சிவா இயக்கத்தில், தேவி ஸ்ரீ பிரசாத் இசையில், ஞானவேல் ராஜா தயாரிப்பில் பிரம்மாண்டமாக உருவாகியுள்ள ’கங்குவா’ திரைப்படம் மிகப்பெரிய எதிர்பார்ப்பை ஏற்படுத்தி உள்ளது.

மேலும், இந்த படம் இந்திய சினிமாவில் மிக முக்கியமான படம் என்றும் கூறப்படுகிறது. திரையரங்குகளில் 10 மொழிகளிலும், கிட்டத்தட்ட 30க்கும் மேற்பட்ட மொழிகளில் ஓடிடியிலும் வெளியாகவுள்ள இந்த படம், சுமார் 350 கோடி பட்ஜெட்டில் உருவாக்கப்பட்டுள்ளது.

இந்த நிலையில், ’கங்குவா’ படத்தின் இசை வெளியீட்டு விழா அக்டோபர் 26ஆம் தேதி சென்னை நேரு ஸ்டேடியத்தில் மாலை 6:00 மணிக்கு நடைபெறும் என்று அதிகாரப்பூர்வமாக தயாரிப்பு நிறுவனத்தின் சமூக வலைதள பக்கத்தில் வீடியோ ஒன்று வெளியாகி உள்ளது. இந்த வீடியோ தற்போது இணையத்தில் வைரல் ஆகி வருகிறது.

சூர்யா, திஷா பதானி, பாபி தியோல், நட்டி, ஜெகபதி பாபு, யோகிபாபு, ரெடின் கிங்ஸ்லி, கோவை சரளா, ஆனந்த்ராஜ், ஜி மாரிமுத்து, தீபா வெங்கட் மற்றும் கேஎஸ் ரவிகுமார் உள்பட பலர் நடித்துள்ளனர். வெற்றி பழனிசாமி ஒளிப்பதிவில், நிஷாத் யூசுப் படத்தொகுப்பில் ‘கங்குவா’ படம் உருவாகியுள்ளது.

Chennai Makkaley! Are you ready to welcome the King? 👑

Witness our #Kanguva in all his glory at the Grand #KanguvaAudioLaunch 🗡️

📍Nehru Stadium 🗓️ October 26th, 2024 🕕 6 PM onwards#KanguvaFromNov14 🦅@Suriya_offl @thedeol @directorsiva @DishPatani @ThisIsDSP #StudioGreen… pic.twitter.com/5a7R62gwl1

— Studio Green (@StudioGreen2) October 20, 2024