முன்னாள் முதல்வர் ஜெயலலிதாவின் வாழ்க்கை வரலாற்றை அடிப்படையாக கொண்டு உருவாகியிருக்கும் திரைப்படம் ‘தலைவி’. பிரபல பாலிவுட் நடிகை கங்கனா ரனாவத் ஜெயலலிதாவின் கேரக்டரில் நடித்துள்ளார் என்பதும், எம்ஜிஆர் கேரக்டரில் அரவிந்த்சாமி நடித்துள்ளார் என்பதும் குறிப்பிடத்தக்கது. இந்த படத்தை பிரபல இயக்குனர் விஜய் இயக்கியுள்ளார். ஜிவி பிரகாஷ் இசையில் உருவாகியுள்ள இந்த படம் வரும் 10ஆம் தேதி உலகம் முழுவதும் திரையரங்குகளில் பிரமாண்டமாக வெளியாக உள்ளது என்பது குறிப்பிடத்தக்கது

இந்த நிலையில் இந்த படத்தின் புரமோஷன் நிகழ்ச்சி இன்று சென்னையில் நடைபெற உள்ளதை அடுத்து சற்று முன்னர் கங்கனா ரனாவத் சென்னை வந்தார். அவர் நேரடியாக சென்னை மெரினா கடற்கரையில் உள்ள ஜெயலலிதா சமாதிக்கு சென்று மலர் வளையம் வைத்து அஞ்சலி செலுத்தினார். மேலும் அருகில் இருந்த எம்ஜிஆர் சமாதி மற்றும் கருணாநிதி சமாதி ஆகியவற்றுக்கும் சென்று மலர் வளையம் வைத்து அஞ்சலி செலுத்தினார் என்பதும் அவருடன் இயக்குனர் விஜய் உள்பட படக்குழுவினர்களும் இருந்தனர் என்பதும் குறிப்பிடத்தக்கது

ஜெயலலிதா கேரக்டரில் நடித்தது மட்டுமின்றி ஜெயலலிதா சமாதிக்கு சென்று அஞ்சலி செலுத்திய கங்கனாவை திரையுலகினர் ஆச்சரியமாக பார்த்து வருகின்றனர் என்பது குறிப்பிடத்தக்கது.