భార‌త‌దేశం ఉక్కు మ‌హిళ .. ప్ర‌ధాని ఇందిరాగాంధీ. మ‌న దేశానికి తొలి మ‌హిళా ప్ర‌ధాని. ప్ర‌స్తుతం ఇండియ‌న్ సినిమాల్లో బ‌యోపిక్స్ రూప కల్ప‌న‌లు ఎక్కువ‌గా జ‌రుగుతున్నాయి. ఈ క్రమంలో ఇందిరాగాంధీ బయోపిక్ రూపొందనుందని వార్తలు వినిపించాయి. ఈ క్రమంలో తాను ఇందిరా గాంధీ పాత్రలో నటిస్తున్నానంటూ వస్తున్న వార్తలపై కంగనా రనౌత్ స్పందించారు. ``నేను ఇందిరా గాంధీ బ‌యోపిక్ చేయడం లేదు. భార‌త‌దేశ రాజ‌కీయాల్లో ఇందిరా గాంధీగారి పాత్ర ఎంతో కీల‌కం. ఆమె ప్ర‌ధానిగా ఉన్న‌ప్పుడు దేశంలో నెల‌కొన్న కొన్ని రాజ‌కీయ ప‌రిస్థితుల‌ను ఆధారంగా చేసుకుని సినిమాను చేయ‌బోతున్నాం. ప్ర‌స్తుతం స్క్రిప్ట్ వ‌ర్క్ జ‌రుగుతోంది. ఇదొక పీరియాడిక్ మూవీ.. పొలిటిక‌ల్ డ్రామా`` అన్నారు.

ఈ సినిమాలో లాల్ బహుదూర్ శాస్త్రి, మొరార్జీ దేశాయ్‌, సంజ‌య్ గాంధీ, రాజీవ్ గాంధీ వంటి పాత్ర‌లు క‌నిపిస్తాయ‌ట‌. అయితే ఎవ‌రు ఏ పాత్ర‌ల్లో న‌టిస్తార‌నేది ఇంకా క్లారిటీ లేదు. క్వీన్ త‌ర్వాత డిఫ‌రెంట్ సినిమాల‌ను ఎంచుకుంటూ కంగ‌నా ర‌నౌత్ త‌న ప్ర‌త్యేక‌త‌ను చాటుకుంటూనే ఉంది. ప్ర‌స్తుతం కంగ‌నా ర‌నౌత్ తేజ‌స్ సినిమాలో న‌టిస్తుంది. అలాగే జ‌య‌ల‌లిత బ‌యోపిక్ త‌లైవి షూటింగ్‌ను పూర్తి చేసేసింది. త్వ‌ర‌లోనే మ‌రో మ‌హిళా నాయ‌కురాలు ఇందిరా గాంధీ పాత్ర‌లో న‌టించ‌నుంది.