சூப்பர் ஸ்டார் ரஜினிகாந்த் நடித்த ’சந்திரமுகி’ திரைப்படம் மிகப் பெரிய வெற்றி பெற்ற நிலையில் ’சந்திரமுகி 2’ திரைப்படம் தற்போது உருவாகி வருகிறது. பி வாசு இயக்கத்தில் ராகவா லாரன்ஸ் நடிப்பில் உருவாகி வரும் இந்த படத்தின் படப்பிடிப்பு விறுவிறுப்பாக நடைபெற்று வருகிறது.

இந்த நிலையில் இந்த படத்தின் முக்கிய கேரக்டரில் பிரபல பாலிவுட் நடிகை கங்கனா ரனாவத் நடிக்க இருப்பதாக கூறப்படுகிறது. அனேகமாக அவர் ’சந்திரமுகி’ கேரக்டரில் நடிக்க வாய்ப்பு இருப்பதாக தெரிகிறது. முதல் பாகத்தில் சந்திரமுகி கேரக்டரில் ஜோதிகா நடித்திருந்தார் என்பது தெரிந்ததே.

ஜெயம் ரவி நடித்த ’தாம் தூம்’ என்ற தமிழ் திரைப்படத்தில் நடித்த கங்கனா ரணவத் அதன் பின் நீண்ட இடைவெளிக்கு பின் முன்னாள் முதல்வர் ஜெயலலிதாவின் வாழ்க்கை வரலாறு திரைப்படமான ‘தலைவி திரைப்படத்தில் நடித்தார். இதனையடுத்து ’சந்திரமுகி 2’ அவர் நடிக்கும் மூன்றாவது தமிழ்ப்படம் என்பது குறிப்பிடத்தக்கது.