பிரபல தமிழ் ஹீரோ நடிக்கும் அடுத்த படத்தின் நாயகியாக கங்கனா ரனாவத் நடிக்க இருப்பதாகவும் சமீபத்தில் வெளியான சூப்பர் ஹிட் படத்தை இயக்கிய இயக்குனர் இந்த படத்தை இயக்க இருப்பதாகவும் கூறப்படுகிறது

பாலிவுட் திரையுலகின் முன்னணி நடிகைகளில் ஒருவர் கங்கனா ரனாவத் என்பதும் இவர் முன்னாள் முதல்வர் ஜெயலலிதாவின் வாழ்க்கை வரலாறு திரைப்படமான ’தலைவி’ என்ற படத்தில் நடித்திருந்தார் என்பது தெரிந்தது. அது மட்டும் இன்றி தற்போது அவர் ராகவா லாரன்ஸ் நடிப்பில், பி வாசு இயக்கத்தில் உருவாகி வரும் ’சந்திரமுகி 2’ என்ற தமிழ் படத்தில் நடித்து வருகிறார் என்பதும் இந்த படத்தின் படப்பிடிப்பு முடிவடைந்தது என்பதும் தெரிந்ததே.

இந்த நிலையில் பிரபல தமிழ் ஹீரோக்களில் ஒருவர் மாதவன் நடிக்கும் அடுத்த திரைப்படத்தின் நாயகியாக கங்கனா ரனாவத் நடிக்க இருப்பதாக கூறப்படுகிறது. இந்த படத்தை பல வெற்றி படங்களை இயக்கிய ட்ரைடெண்ட் ஆர்ட்ஸ் நிறுவனம் தயாரிக்க இருப்பதாகவும் இந்த படத்தை அயோத்தி திரைப்படத்தை இயக்கிய இயக்குனர் மந்திரமூர்த்தி இயக்க இருப்பதாகவும் கூறப்படுகிறது.

இந்த படம் குறித்த அதிகாரப்பூர்வ அறிவிப்பு விரைவில் வெளியாகும் என்றும் தெரிகிறது.