బాలీవుడ్ సెన్సేష‌న‌ల్ న‌టి, క్వీన్ కంగ‌నా ర‌నౌత్.. వ‌రుస సినిమాల‌తో బిజి బిజీగా ఉన్న సంగ‌తి తెలిసిందే. అయితే త్వ‌ర‌లోనే కంగ‌నా కొత్త వ్యాపారంలోకి అడుగుపెడుతున్న‌ట్లు త‌న సోష‌ల్ మీడియా మాధ్య‌మాల ద్వారా తెలియ‌జేసింది. వివ‌రాల్లోకి వెళితే త‌న స్వ‌స్థ‌లం అయిన మ‌నాలిలో ఓ కేఫ్‌, రెస్టారెంట్‌ను ప్రారంభించ‌నున్న‌ట్లు కంగనా తెలియ‌జేసింది. ‘‘నా కొత్త వెంచర్ నా కల. ఈ కలను త్వరలోనే నేరవేర్చుకోబోతున్నాను. ఈ విషయాన్ని మీ అంద‌రికీ చెప్ప‌డం ఆనందంగా ఉంది. ఈ ఆలోచ‌న‌తో మీ అంద‌రికీ మ‌రింత చేరువ అవుతాను. మ‌నాలిలో రెస్టారెంట్‌ను స్టార్ట్ చేయాల‌న్న నా క‌ల‌ను నేర‌వేర్చే క్ర‌మంలో అండగా నిల‌బ‌డుతున్న‌టీమ్‌కు ధ‌న్య‌వాదాలు’’ అని ట్వీట్ చేసింది కంగ‌నా ర‌నౌత్‌.

ఇక సినిమాల విష‌యానికి వ‌స్తే.. కంగ‌నా ర‌నౌత్ ప్ర‌స్తుతం స్పైథ్రిల్ల‌ర్ థాక‌డ్‌లోనూ న‌టిస్తుంది. అలాగే తేజ‌స్ సినిమాలో ఫైల‌ట్‌గా న‌టిస్తుంది. ఇవి కాకుండా ఇప్ప‌టికే ఈ ఏడాదిలో జ‌య‌ల‌లిత బ‌యోపిక్ త‌లైవిలోనూ న‌టించింది. మ‌రికొన్ని ప్రాజెక్ట్‌ల‌ను సిద్ధం చేయిస్తోంది కంగ‌నా. ఇంత బిజీలోనూ కొత్త వ్యాప‌కాలు, వ్యాపారాల‌పై మ‌న‌సును ఎలా ల‌గ్నం చేస్తుందో కంగ‌నా అని అనుకుంటున్నాయి బాలీవుడ్ వ‌ర్గాలు.