'మ‌ణిక‌ర్ణిక' రిలీజ్ డేట్‌..
- IndiaGlitz, [Saturday,July 21 2018]
కంగ‌నా ర‌నౌగ్ టైటిల్ పాత్ర‌లో న‌టిస్తున్న చిత్రం 'మ‌ణిక‌ర్ణిక'. జాగ‌ర్ల‌మూడి క్రిష్ దర్శకత్వంలో సినిమా తెర‌కెక్కుతోంది. ప్ర‌థ‌మ స్వాంతంత్ర్య స‌మ‌రంలో బ్రిటీష్ వారిని ఎదిరించిన ఝాన్సీ ల‌క్ష్మీబాయ్ జీవిత చ‌రిత్రే ఈ సినిమా.
ఈసినిమాను ఈ ఏడాది ఆగ‌స్టులో విడుదల చేయాల‌నుకున్నారు.. రీ షూట్స్ చేయ‌డం.. గ్రాఫిక్ వ‌ర్క్ అనుకున్నంత వేగంగా పూర్తి కాక‌పోవ‌డం వంటి కార‌ణాల‌తో సినిమా విడుదల ఆల‌స్య‌మ‌వుతుంది. స‌మాచారం ప్ర‌కారం ఈ సినిమాను 2019 జ‌న‌వ‌రి 25న విడుదల చేస్తార‌ట. ఆగ‌స్ట్ 15న ఈ సినిమా టీజ‌ర్‌ను విడుదల చేస్తున్నారు.