விஜய் ரசிகர் மன்ற தலைவரை கொலை செய்த கொலையாளிகள் கைது
- IndiaGlitz, [Monday,January 16 2017]
இளையதளபதி விஜய் நடித்த 'பைரவா' படத்தின் ரிலீஸ் தினத்தில் காஞ்சிபுரம் மாவட்ட விஜய் நற்பணி மன்ற தலைவர் ரவி என்பவர் மர்மமான முறையில் இறந்தார் என்று செய்தி வெளிவந்தது. இவரது மறைவிற்கு நடிகர் விஜய் நேரில் அஞ்சலி செலுத்தினார் என்பதை ஏற்கனவே பார்த்தோம்
இந்நிலையில் ரவி கொலை செய்யப்பட்டிருக்கலாம் என்பதற்கு ஒருசில ஆதாரங்கள் கிடைத்ததால் போலீசார் வழக்கு பதிவு செய்து கொலையாளிகளை தேடி வந்தனர்.
இந்நிலையில் ரவியை கொலை செய்த மூவரை சற்று முன் போலீஸார் கைது செய்துள்ளனர். சீனிவாசன் , அப்பு, பாபு ஆகிய மூவரும் ரவியை அவர் அணிந்திருந்த நகை மற்றும் பணத்திற்காக கொலை செய்து அவரது உடலை ஓரிக்கை பாலாற்றில் வீசியதாக முதல்கட்ட விசாரணையில் தெரிய வந்துள்ளது.