நடிகை ஸ்ரீரெட்டி என்றாலே அனைவருக்கும் ஞாபகம் வருவது கோலிவுட், டோலிவுட் பிரபலங்கள் மீது பாலியல் குற்றச்சாட்டுகளை கூறியதும், ஆபாசமாக சமூக வலைதளங்களில் பதிவு செய்வதும், ஆபாச புகைப்படங்கள் மற்றும் வீடியோக்கள் வெளியிடுவதும் தான் தெரியும் இதனால் தான் ஸ்ரீரெட்டியின் சமூக வலைத்தள பக்கங்களை பெரும்பாலும் பெண்கள் ஃபாலோ செய்வதில்லை என்று கூறப்படுகிறது.

இந்த நிலையில் முதல் முறையாக பெண்கள் பாராட்டும் வகையில் ஒரு வீடியோவை ஸ்ரீரெட்டி வெளியிட்டுள்ளார். காஞ்சிபுரம் பட்டு புடவையை ஒரு திருவிழாவுக்கோ அல்லது விசேஷங்களுக்கோ செல்லும் போது எப்படி முறையாக உடுத்த வேண்டும் என்பது குறித்த ஒரு வீடியோவை வெளியிட்டுள்ளார்.

20 நிமிடங்களுக்கு மேல் இருக்கும் இந்த வீடியோவில் அவர் ஒரு பட்டுப்புடவையை எப்படி நேர்த்தியாக கட்டவேண்டும், கொசுவம் எப்படி அமைக்க வேண்டும், கொசுவம் வைப்பதற்கு முன்னர் அதை தனியாக இஸ்திரி செய்ய வேண்டும் ஆகியவை குறித்து மிகவும் விரிவாக இந்த வீடியோவில் செய்து காட்டியுள்ளார்.

இந்த வீடியோவுக்கு பெண்கள் மத்தியில் மிகப்பெரிய வரவேற்பு கிடைத்துள்ளது என்பது அந்த வீடியோவுக்கு பதிவாகி உள்ள கமெண்ட்டுகளில் இருந்து தெரிய வருகிறது. முதல் முறையாக பெண்களையும் கவரும் வகையில் வீடியோவை வெளியிட்ட ஸ்ரீரெட்டிக்கு பாராட்டுக்கள் குவிந்து வருகிறது என்பது குறிப்பிடத்தக்கது.