காஞ்சி சங்கராச்சாரியார் ஜெயேந்திரர் காலமானார்.
- IndiaGlitz, [Wednesday,February 28 2018]
காஞ்சி சங்கராச்சாரியார் என்று அழைக்கப்படும் ஜெயெந்திர சரஸ்வதி அவர்கள் சற்றுமுன்னர் உடல்நலக்குறைவு காரணமாக காலமானார். இன்று காலை அவருக்கு திடீரென மூச்சுத்திணறல் ஏற்பட்டதாகவும், இதனையடுத்து அவர் சங்கரமடம் அருகில் இருந்த தனியார் மருத்துவமனையில் சிகிச்சைக்காக அனுமதிக்கப்பட்டிருந்த நிலையில் சிகிச்சையின் பலனின்றி அவர் காலமானதாகவும் அறிவிக்கப்பட்டுள்ளது.
காஞ்சி ஜெயேந்திரர் மரணம் அடைந்ததை அடுத்து அவருடைய பக்தர்கள் மிகுந்த சோகத்தில் உள்ளனர். காஞ்சி சங்கரர் மறைவு குறித்து கருத்து கூறிய பாஜக தேசிய செயலாளர் எச்.ராஜா, 'காஞ்சி சங்கராச்சாரியார் ஜெயேந்திரரின் மரணம் அதிர்ச்சி அளிக்கிறது என்று கூறியுள்ளார்.
காஞ்சி சங்கரரை நேற்று தமிழக கவர்னர் பன்வாரிலால் புரோஹித் அவர்கள் சந்தித்து ஆசிபெற்றார் என்பது குறிப்பிடத்தக்கது.