దసరా కానుకగా 'కంచె'
- IndiaGlitz, [Friday,October 16 2015]
మెగా బ్రదర్ నాగబాబు తనయుడు వరుణ్ తేజ్ హీరోగా ఫస్ట్ ఫ్రేమ్ ఎంటర్ టైన్మెంట్స్ ప్రై.లి బ్యానర్ పై రూపొందిన చిత్రం కంచె'. గమ్యం, వేదం, కృష్ణం వందే జగద్గురుమ్ వంటి విలక్షణ చిత్రాల దర్శకుడు క్రిష్ జాగర్లమూడి ఈ చిత్రాన్ని డైరెక్ట్ చేశాడు. వై.రాజీవ్ రెడ్డి, జె.సాయిబాబు నిర్మాతలు. కంచె వాయిదా ప‌డింది అక్టోబర్ 2కు బ‌దులు ఈ సినిమాను న‌వంబ‌ర్ 6న విడుదల చేయాలనుకున్నారు. దీపావ‌ళిని పుర‌స్క‌రించుకుని న‌వంబ‌ర్ 6న సినిమాను ప్రేక్ష‌కుల ముందుకు తీసుకురావాల‌ని యూనిట్ నిర్ణ‌యించింది. అయితే తాజాగా అఖిల్ చిత్రం విడుదల వాయిదా పడటంతో కంచె సినిమాని దసరా కానుకగా అక్టోబర్ 22న విడుదల చేయాలనుకుంటున్నారట. మరి అధికారకంగా సమాచారం రావాల్సి ఉంది.