రెండో ప్ర‌పంచ‌యుద్ధం నేప‌థ్యంలో రూపొందిన సినిమా కంచె. ఈ సినిమాలో వ‌రుణ్‌తేజ్ ధూపాటి హ‌రిబాబుగా న‌టించారు.క్రిష్ జాగ‌ర్ల‌మూడి ద‌ర్శ‌క‌త్వం వ‌హించారు. రాజీవ్‌రెడ్డి, సాయిబాబు నిర్మాత‌లు. ఈ సినిమా సెన్సార్ ఇటీవ‌ల పూర్త‌యింది. సెన్సార్ స‌భ్యులు యు/ఎ స‌ర్టిఫికెట్‌ను ఇచ్చారు. సెప్టెంబ‌ర్ 24 నుంచి వ‌రుస‌గా మెగా ఫ్యామిలీ సినిమాలు విడుద‌ల అవుతుండ‌టంతో త‌మ‌లో త‌మ‌కు పోటీ ఎందుకనుకుని వ‌రుణ్‌తేజ్ సినిమాను న‌వంబ‌ర్ 6కు వాయిదా వేశార‌ని వినికిడి.

కానీ తాజాగా అక్టోబ‌ర్ 9న అనుష్క సినిమాలు విడుద‌ల‌వుతాయా? లేదా? అనే సందిగ్ధ‌త నెల‌కొంది. అనుష్క న‌టించిన సైజ్ జీరో, రుద్ర‌మ‌దేవి సినిమాల నిర్మాత‌లు అక్టోబ‌ర్ 9న విడుద‌ల చేయ‌నున్న‌ట్టు ప్ర‌క‌టించారు. అయితే ఒక‌వేళ అనుష్క సినిమాలు గ‌నుక అనుకున్న స‌మ‌యంలో విడుద‌ల కాక‌పోతే త‌ప్ప‌కుండా వ‌రుణ్‌తేజ్ కంచె అక్టోబ‌ర్ 9న విడుద‌ల‌వుతుంది. అందుకు త‌గ్గ‌ట్టుగా నిర్మాత‌లు స‌న్నాహాలు చేసుకుంటున్నారు. సెన్సార్ కూడా పూర్తి కావ‌డంతో అంద‌రూ ఈ విష‌యాన్ని గట్టిగా న‌మ్ముతున్నారు.