'కంచె' రికార్డ్
- IndiaGlitz, [Saturday,September 05 2015]
మెగా బ్రదర్ నాగబాబు తనయుడు వరుణ్ తేజ్ హీరోగా ఫస్ట్ ఫ్రేమ్ ఎంటర్ టైన్మెంట్స్ ప్రై.లి బ్యానర్ పై రూపొందుతోన్న చిత్రం కంచె. గమ్యం, వేదం, కృష్ణం వందే జగద్గురుమ్ వంటి విలక్షణ చిత్రాల దర్శకుడు క్రిష్ జాగర్లమూడి ఈ చిత్రాన్ని డైరెక్ట్ చేస్తున్నాడు. వై.రాజీవ్ రెడ్డి, జె.సాయిబాబు నిర్మాతలు. రెండవ ప్రపంచ యుద్ధం నేపథ్యంలో తెరకెక్కిన ఈ సినిమా ట్రైలర్ కి ఆడియెన్స్, ఇండస్ట్రీ నుండి మంచి రెస్పాన్స్ వచ్చింది.
తాజాగా ఈ సినిమా ట్రైలర్ వన్ మిలియన్ వ్యూవర్స్ క్లిక్ పొంది కొత్త రికార్డుని క్రియేట్ చేసింది. తన రెండో చిత్రంతో ఇటువంటి రికార్డుని సాధించడం వరుణ్ తేజ్ కి మంచి పరిణామమని అంటున్నారు. హీరో వరుణ్ తేజ్ కూడా ప్రేక్షకులకు సోషల్ మీడియా ద్వారా ధన్యవాదాలు తెలియజేశారు.