தேர்தல் தேதியால் 'காஞ்சனா 3' ரிலீஸ் தேதியில் மாற்றமா?
- IndiaGlitz, [Monday,March 11 2019]
தமிழகத்தில் பாராளுமன்ற தேர்தல் மற்றும் 18 சட்டமன்ற இடைத்தேர்தல் ஆகியவை வரும் ஏப்ரல் 18ஆம் தேதி நடைபெறும் என நேற்று தேர்தல் ஆணையம் அதிகாரபூர்வமாக அறிவித்தது.
இந்த நிலையில் தேர்தல் காரணமாக ஏப்ரலில் ரிலீஸ் தேதி அறிவித்திருந்த ஒருசில திரைப்படங்களில் தேதி மாற்றப்படுமா? என்ற கேள்வி எழுந்தது.
இந்த நிலையில் கடந்த சில நாட்களுக்கு முன் ஏப்ரல் 18ஆம் தேதி வெளியாகும் என்று அறிவிக்கப்பட்டிருந்த 'காஞ்சனா 3' திரைப்படம் தற்போது ஏப்ரல் 19ஆம் தேதி வெளியாகும் என அறிவிக்கப்பட்டுள்ளது. இதே தேதியில் தான் விஷாலின் 'அயோக்யா' ரிலீஸாகவுள்ளது என்பது குறிப்பிடத்தக்கது.
ராகவா லாரன்ஸ், ஓவியா, வேதிகா, கோவை சரளா, கபீர்சிங், மனோபாலா, ஸ்ரீமான், தேவதர்ஷினி, சத்யராஜ், கிஷோர் உள்பட பலர் நடித்துள்ள இந்த படத்தை ராகவா லாரன்ஸ் இயக்கியுள்ளார். சன் பிக்சர்ஸ் நிறுவனம் இந்த படத்தை தயாரித்துள்ளது.