రేపే కనకదుర్గ ఫ్లై ఓవర్ ప్రారంభోత్సవం..
- IndiaGlitz, [Friday,October 16 2020]
విజయవాడ కనకదుర్గ ఫ్లై ఓవర్ శుక్రవారం ఉదయం 11:30 గంటలకు ప్రారంభం కానుంది. ఇప్పటికే పలు మార్లు డేట్స్ ఫిక్స్ చేసుకుని పలు కారణాల వల్ల వాయిదా పడిన ఈ కార్యక్రమం ఎట్టకేలకు రేపు ప్రారంభం కానుంది. ఏపీ సీఎం జగన్ ప్రారంభోత్సవ కార్యక్రమంలో పాల్గొననున్నారు. కేంద్రమంత్రి నితిన్ గడ్కరీ వర్చువల్‌గా పాల్గొని ఫ్లై ఓవర్‌ను ప్రారంభించనున్నారు. ప్రారంభోత్సవ ఏర్పాట్లను జిల్లా కలెక్టర్ ఏయండీ ఇంతియాజ్ పరిశీలించారు.
కాగా.. ఫ్లై ఓవర్ ప్రారంభమైన అనంతరం మొదటగా ఆర్ అండ్ బీ మంత్రి శంకర్ నారాయణ, పలువురు అధికారులు ప్రయాణించనున్నారు. అంతే కాకుండా శుక్రవారం కనకదుర్గ ఫ్లై ఓవర్ ప్రారంభోత్సవంతో పాటు రాష్ట్ర వ్యాప్తంగా 61 కొత్త ప్రాజెక్టుల ప్రారంభోత్సవానికి శంకుస్థాపన కార్యక్రమాలు నిర్వహించనున్నారు. కాగా.. ఈ 61 ప్రాజెక్టు పనులు
15,592 కోట్ల రూపాయల అంచనాతో అధికారులు ప్రారంభించనున్నారు.