சிவகார்த்திகேயனின் முதல் தயாரிப்பு திரைப்படமான 'கனா' படத்தின் ஆடியோ வரும் 23ஆம் தேதி ரிலீஸாகவுள்ளது என்பதையும் இந்த ஆடியோவில் விழாவில் சிறப்பு விருந்தினர்களாக இயக்குனர் பாண்டிராஜ் மற்றும் இசையமைப்பாளர்களான டி.இமான், அனிருத் ஆகியோர்கள் கலந்து கொள்ளவுள்ளனர் என்பதையும் ஏற்கனவே பார்த்தோம்.

இந்த நிலையில் மகளிர் கிரிக்கெட் குறித்த கதையம்சம் கொண்ட இந்த படத்தின் பாடல்களை இந்திய மகளிர் கிரிக்கெட் அணியின் வீராங்கனை ஸ்மிருதி மந்தனா வெளியிடவுள்ளதாக சற்றுமுன் அறிவிக்கப்பட்டுள்ளது. இவர் இந்த படத்தின் ஆடியோவை வெளியிடுவது மிகப்பொருத்தமான ஒன்றாக கருதப்படுகிறது.

அருண்காமராஜ் இயக்கி வரும் இந்த படத்தில் சத்யராஜ், ஐஸ்வர்யா ராஜேஷ், சிவகார்த்திகேயன், தர்ஷன் உள்ளிட்ட பலர் நடித்து வருகின்றனர். தினேஷ் கிருஷ்ணன் ஒளிப்பதிவில், திபு நினன் தாமஸ் இசையில், இளையராஜா கலையில் ஆண்டனி எல் ரூபன் படத்தொகுப்பில் இந்த படம் உருவாகி வருகிறது.