సంచ‌ల‌న ద‌ర్శ‌కుడు రామ్ గోపాల్ వ‌ర్మ తెర‌కెక్కించిన మ‌రో సంచ‌ల‌న చిత్రం వంగ‌వీటి. ఈ చిత్రాన్ని రామ‌దూత క్రియేష‌న్స్ బ్యాన‌ర్ పై దాస‌రి కిర‌ణ్ కుమార్ నిర్మిస్తున్నారు. రాంగోపాల్‌వ‌ర్మ తెర‌కెక్కిస్తోన్న వంగ‌వీటి సినిమా వాస్త‌వాల‌కు విరుద్ధంగా ఉందంటూ వంగ‌వీటి రాధ హైకోర్టులో పిటిష‌న్ వేసారు. వంగ‌వీటి రాధా వేసిన పిటిష‌న్‌ను ప‌రిశీలించిన కోర్టు ద‌ర్శ‌కుడు రాంగోపాల్ వ‌ర్మ‌, నిర్మాత దాస‌రి కిర‌ణ్‌కుమార్‌ల‌కు నోటీసులు జారీ చేసింది. త‌దుప‌రి విచార‌ణ‌ను డిసెంబ‌ర్ 2కు వాయిదా వేసింది.

అయితే...కోర్టులో పిటిష‌న్ వేసిన నేప‌ధ్యంలో రామ్ గోపాల్ వర్మ‌, దాస‌రి కిర‌ణ్ కుమార్ ఈ చిత్రంలోని క‌మ్మ‌, కాపు పాట‌ను తొలగించాలి అని నిర్ణ‌యించుకున్నారు. ఈ విష‌యాన్నివ‌ర్మ‌, దాస‌రి కిర‌ణ్ కుమార్ తెలియ‌చేస్తూ...స్వ‌చ్ఛందంగానే వంగ‌వీటి సినిమా నుంచి క‌మ్మ కాపు అనే పాట‌ను తొల‌గిస్తున్నాం. వంగ‌వీటి ఆడియో వేడుక‌ను ఈనెల3న కోనేరు ల‌క్ష్మ‌య్య యూనివ‌ర్శిటి గ్రౌండ్స్ విజ‌య‌వాడ‌లో ఘ‌నంగా నిర్వ‌హిస్తున్నాం అని తెలియ‌చేసారు. ఈ చిత్రానికి రైట‌ర్స్ - చైత‌న్య‌ప్ర‌సాద్, రాధాకృష్ణ‌, లిరిక్స్ - సిరాశ్రీ, చైత‌న్య‌ప్ర‌సాద్, డిఓపి రాహుల్ శ్రీవాస్త‌వ్, కె దిలీప్ వ‌ర్మ‌, సూర్య చౌద‌రి, ఎడిట‌ర్ - సిద్దార్ధ తాతోలు, సంగీతం - ర‌వి శంక‌ర్, ఎగ్జిక్యూటివ్ ప్రొడ్యూస‌ర్ - విసు, ప్రొడ్యూస‌ర్ దాస‌రి కిర‌ణ్ కుమార్, డైరెక్ట‌ర్ - రామ్ గోపాల్ వ‌ర్మ‌