மும்பையின் முக்கிய தலைவருடன் கமல் சந்திப்பு
- IndiaGlitz, [Friday,October 30 2015]
உலக நாயகன் கமல்ஹாசன், த்ரிஷா நடித்த 'தூங்காவனம்' திரைப்படம் வரும் தீபாவளி திருநாளில் ரிலீசாகவுள்ள நிலையில் கமல்ஹாசனின் அடுத்த படம் விரைவில் ஆரம்பிக்கப்படவுள்ளதாக கூறப்படுகிறது.
இந்நிலையில் கமல்ஹாசனும், அவருடைய சகோதரர் சந்திரஹாசனும் இன்று மும்பையில் ராஜ்தாக்கரேவை சந்தித்ததாக தகவல்கள் வெளிவந்துள்ளது.
மகாரஷ்டிரா நிர்மாண் சேவா தலைவர் ராஜ் தாக்கரே அவர்களை மும்பையில் உள்ள அவருடைய இல்லத்தில் இன்று காலை கமல்ஹாசன் சந்தித்ததாகவும் இந்த சந்திப்பின்போது மும்பையில் நடைபெறும் சினிமா படப்பிடிப்பு குறித்து இருவரும் பேசியதாகவும் கூறப்படுகிறது.
இந்த சந்திப்பின்மூலம் கமல்ஹாசனின் அடுத்த படத்தின் படப்பிடிப்பு மும்பையில் நடைபெறலாம் என எதிர்பார்க்கப்படுகிறது.