சமீபத்தில் 'மக்கள் நீதி மய்யம்' என்ற கட்சியை ஆரம்பித்த கமல் அறிமுகம் செய்த கட்சியின் கொடி தமிழர் பாசறை கொடியில் உள்ள சின்னத்தை போன்று இருந்ததாக குற்றச்சாட்டு எழுந்தது. இதனையடுத்து அவர் வரும் ஏப்ரல் 4ஆம் தேதி கட்சிக்கொடியை மாற்றவுள்ளதாக சமூக வலைத்தளங்களில் வதந்திகள் பரவியது.

இந்த நிலையில் இன்று சென்னை விமான நிலையத்தில் ஸ்ரீதேவிக்கு அஞ்சலி செலுத்த செல்லும் முன் பத்திரிகையாளர்களை சந்தித்த கமல் இதுகுறித்து விளக்கம் அளித்தார். எங்கள் கட்சியின் சின்னமும், தமிழர் பாசறை அமைப்பின் சின்னமும் ஒரே மாதிரியாக இருப்பதை அடுத்து அந்த அமைப்பினர்களே முன்வந்து ஒரு புரிந்துணர்வு ஒப்பந்தம் செய்து கொண்டதாக கூறினார்.

இதுகுறித்து தமிழா் பாசரை செம்பூா் மும்பை அமைப்பின் நிர்வாகி கூறுகையில், எங்களது அமைப்பின் சின்னமும், கமல்ஹாசனின் கட்சியின் சின்னமும் ஒரே மாதிரியாக உள்ளது. இதனால் ஏதேனும் பிரச்சினைகள் ஏற்படலாம் என்று கூறப்பட்டது. அதன் அடிப்படையில் எங்கள் அமைப்பு தார்மீக அடிப்படையில் கமல்ஹாசன் அவா்கள் அதே சின்னத்தை பயன்படுத்த நாங்கள் எங்களுக்குள் புரிந்துணா்வு ஒப்பந்தம் மேற்கொண்டுள்ளோம். எனவே அவா் அந்த சின்னத்தை பயன்படுத்துவதில் எந்த சிக்கலும் இல்லை என்று தெரிவித்துள்ளார். இதனையடுத்து கட்சியின் கொடி குறித்த பிரச்சனை முடிவுக்கு வந்துவிட்டதாக கருதப்படுகிறது.