சென்னை அண்ணா பல்லைக்கழக வளாகத்தில் நடிகரும் மக்கள் நீதி மய்யம் கட்சியின் தலைவருமான கமல்ஹாசன் பங்கேற்க இருந்த நிகழ்ச்சி ஒன்றை திடீரென பல்கலைக்கழக நிர்வாகம் ரத்து செய்துள்ளதால் பரபரப்பு ஏற்பட்டுள்ளது.

மத்தியத் தோல் ஆராய்ச்சி நிறுவனத்தின் மாணவர்கள் அண்ணா பல்கலைக்கழக மைதானத்தில் 3 நாள் கலை நிகழ்ச்சிகள் நடத்துவதற்கு அனுமதி பெற்றிருந்தனர். ஏற்கனவே 2 நாட்கள் கலைநிகழ்ச்சிகள் திட்டமிட்டபடி நடந்து முடிந்துவிட்ட நிலையில் இன்று மூன்றாம் நாள் நிகழ்ச்சியை நடத்த அண்ணா பல்கலைக்கழக நிர்வாகம் வழங்கியிருந்த அனுமதியை திடீரென ரத்து செய்துள்ளது.

இன்றைய நிகழ்ச்சியில் நடிகர் கமல்ஹாசன் பங்கேற்பதாக இருந்த நிலையில் அனுமதி மறுக்கப்பட்டுள்ளதால் இந்த தடை இந்த நிகழ்ச்சிக்கா? அல்லது கமல்ஹாசனுக்கா? என்ற கேள்வி எழுந்துள்ளது. . இந்நிலையில் மூன்றாம் நாள் நிகழ்ச்சிகளை நடத்தத் திடீரெனப் பல்கலைக்கழக நிர்வாகம் அனுமதி மறுத்துள்ளது. நடிகர் கமல்ஹாசன் பங்கேற்க இருந்த நிகழ்ச்சி என்பதாலேயே அனுமதி மறுக்கப்பட்டதாகக் கூறப்படுகிறது.