கமலுக்கு வில்லனா? மறுப்பு தெரிவித்த மாதவன்
- IndiaGlitz, [Tuesday,July 14 2015]
ஒருபக்கம் இந்தியாவின் மாபெரும் பட்ஜெட் படமான 'பாகுபலி' ரூ.100 கோடி கிளப்பில் சேர்ந்துள்ள நிலையில் குறுகிய கால தயாரிப்பும், மீடியம் பட்ஜெட் படமுமான 'பாபநாசம்' படமும் ரூ.100 கோடி கிளப்பில் இணைந்து சாதனை படைத்துள்ளது. சிறப்பாக திரைக்கதை மற்றும் உலக நாயகனின் வித்தியாசமான நடிப்பே இந்த வெற்றிக்கு காரணம் என்பது அனைவரும் அறிந்ததே.
இந்நிலையில் உலக நாயகனின் அடுத்த படமான 'தூங்காவனம்' படத்தின் படப்பிடிப்பு தற்போது விறுவிறுப்பாக நடைபெற்ரு வருகிறது. இந்த படத்தில் கமல்ஹாசனுடன், த்ரிஷா, ஆஷா சரத், பிரகாஷ்ராஜ், சம்பத்குமார், யூகிசேது உள்பட பலர் நடித்து வந்தபோதிலும், கமல்ஹாசனுக்கு மிக நெருக்கமான ஒரு பிரபல நடிகர் இந்த படத்தில் வில்லனாக நடித்து வருவதாக கடந்த சில நாட்களாக செய்திகள் வெளிவந்தன. அந்த பிரபல நடிகர் மாதவன் என்றும் கூறப்பட்டது.
இதுகுறித்து சமூக வலைத்தளம் வலைத்தளம் ஒன்றில் மாதவனிடம் கேள்வி கேட்ட ஒரு ரசிகருக்கு பதிலளித்த மாதவன், கமல்ஹாசனின், தூங்காவனம் படத்தில் வில்லன் உள்பட எந்த கேரக்டரிலும் தான் நடிக்கவில்லை என்றும், வதந்திகளை யாரும் நம்ப வேண்டாம் என்றும் கூறியுள்ளார்.
கமல்ஹாசனின் உதவியாளர் ராஜேஷ் இயக்கி வரும் இந்த படத்திற்கு அவருடைய ஆஸ்தான இசையமைப்பாளர் ஜிப்ரான் இசையமைக்கின்றார். ராஜ்கமல் இண்டர்நேஷனல் தயாரித்து வரும் தூங்காவனம்' படப்பிடிப்பு இம்மாத இறுதியில் நிறைவடையும் என எதிர்பார்க்கப்படுகிறது.