கமல்ஹாசன், விஜயகாந்த், விஜய் உட்பட பல பிரபலங்களின் படங்களில் வில்லனாக நடித்த நடிகர் திடீரென மாரடைப்பு காரணமாக காலமானதை அடுத்து திரையுலகம் அதிர்ச்சியில் உள்ளது.

கமல்ஹாசன் நடித்த ‘கலைஞன்’, விஜயகாந்த் நடித்த ’சேதுபதி ஐபிஎஸ்’ விஜய் நடித்த ’பிரியமானவளே’ ’பத்ரி’ உள்பட சுமார் 50 படங்களில் வில்லன் மற்றும் குணசேகர வேடங்களில் நடித்தவர் நடிகர் கசான் கான். தமிழ் மட்டுமின்றி மலையாளம் கன்னடம் உள்ளிட்ட மொழிகளில் இவர் நடித்துள்ளார் என்பது குறிப்பிடத்தக்கது.

இந்த நிலையில் நேற்று திடீரென கசான் கான் மாரடைப்பு காரணமாக உயிரிழந்ததாக வெளிவந்திருக்கும் தகவல் ரசிகர்கள் மத்தியில் பெரும் அதிர்ச்சியை ஏற்படுத்தியுள்ளது. நடிகர் கசான் கான் மறைவை மலையாள திரைப்பட தயாரிப்பாளரான என்.எம். பாதுஷா தனது ட்விட்டர் பக்கத்தில் உறுதி செய்துள்ளார்.

இந்த நிலையில் கசான் கான் மறைவிற்கு திரையுலக பிரபலங்கள் தங்களது சமூக வலைத்தளத்தில் இரங்கல் தெரிவித்து வருகின்றனர்.