தமிழ் திரையுலகின் மூத்த பத்திரிகையாளர் மேஜர்தாசன் அவர்கள் இன்று காலமானார் என்ற செய்தியை சற்றுமுன் பார்த்தோம். அவருடைய மறைவு பத்திரிகையுலகிற்கு மட்டுமின்றி தமிழ் திரையுலகிற்கே மிகப்பெரிய இழப்பாக கருதப்படுகிறது.

குறிப்பாக கடந்த 2002ஆம் ஆண்டு கமல்ஹாசனை அடுத்து மேஜர்தாசன் அவர்களும் உடல்தானம் செய்தார் என்பதும், கமல்ஹாசன் முன்னிலையில் தனது உடல்தான பத்திரத்தை மருத்துவ கல்லுரி மாணவர்களின் ஆய்வுக்காக வழங்கினார் என்பதும் குறிப்பிடத்தக்கது.

இதனை நினைவு கூர்ந்து மேஜர்தாசன் அவர்களின் மறைவு குறித்து இரங்கல் தெரிவித்த உலக நாயகன் கமல்ஹாசன், ‘மண்ணுக்குள் செல்லும் உடம்பு மாணவர்கட்கு பயன்படட்டும் என்று என் உடலை தானம் செய்ய முடிவெடுத்து அறிவித்த போது தன் உடலையும் தானம் செய்ய முன்வந்த மூத்த பத்திரிக்கையாளர் மேஜர்தாசன் அவர்களின் மறைவு, என் தனிப்பட்ட இழப்பும் கூட. அவரை இழந்து வாடும் குடும்பத்தார்க்கு என் ஆழ்ந்த அனுதாபங்கள் என்று கூறியுள்ளார்.
 

மண்ணுக்குள் செல்லும் உடம்பு மாணவர்கட்கு பயன்படட்டும் என்று என் உடலை தானம் செய்ய முடிவெடுத்து அறிவித்த போது தன் உடலையும் தானம் செய்ய முன்வந்த மூத்த பத்திரிக்கையாளர் மேஜர்தாசன் அவர்களின் மறைவு, என் தனிப்பட்ட இழப்பும் கூட. அவரை இழந்து வாடும் குடும்பத்தார்க்கு என் ஆழ்ந்த அனுதாபங்கள்.

— Kamal Haasan (@ikamalhaasan) July 12, 2020