உலக நாயகன் கமல்ஹாசன் தனது அரசியல் கட்சியின் பெயரை வரும் பிப்ரவரி 21ஆம் தேதி அறிவிக்கவுள்ளதாக தெரிவித்தது குறித்து நேற்று பார்த்தோம். மேலும் அதே நாளில் இராமநாதபுரத்தில் இருந்து மக்களை நேரில் சந்திக்கும் தனது அரசியல் பயணத்தையும் தொடங்கவுள்ளதாக அறிவித்தார்.

இந்த நிலையில் கமல்ஹாசனின் சொந்த ஊர் பரமக்குடி என்பதால் அந்த ஊரை கொண்ட மாவட்டமான இராமநாதபுரத்தில் இருந்து கமல் தனது அரசியல் பயணத்தை தொடங்குவதாக அனைவரும் எண்ணினர். ஆனால் கமல்ஹாசன் பிப்ரவரி 21ஆம் தேதி இராமநாதபுரம் மாவட்டத்தின் ராமேஸ்வரத்தில் உள்ள மறைந்த குடியரசுத் தலைவர் அப்துல் கலாம் இல்லத்தில் இருந்து தனது அரசியல் பயணத்தை தொடங்குவதாக அறிவித்துள்ளார்

கலாமிற்கு பல கனவுகள் இருந்ததாகவும், அவரைப்போல பல கனவுகளைக் கொண்டவன் நான் என்றும் கமல்ஹாசன் இந்த அரசியல் பயணம் குறித்து கருத்து தெரிவித்துள்ளார். மேலும் விமர்சிப்பது மட்டும் என் வேலையன்று என்றும் இறங்கி வேலை செய்ய வந்தவன் நான் என்றும் கமல்ஹாசன் தெரிவித்துள்ளார். அப்துல்கலாமின் இல்லத்தில் இருந்து கமல் தொடங்கும் இந்த பயணம் கலாமின் கனவுகளையும் நிறைவேற்றுமா? என்பதை பொருத்திருந்து பார்ப்போம்