வரவிருக்கும் நாடாளுமன்ற தேர்தலில் போட்டியிட போவதாகவும், எந்த தொகுதியில் போட்டியிடுவது என்பதை விரைவில் அறிவிப்பேன் என்றும் கமல்ஹாசன் அறிவித்துள்ளார்.

இன்று சென்னை ஆழ்வார்ப்பேட்டையில் நடைபெற்ற செயற்குழு கூட்டத்திற்கு பின் பேட்டியளித்த கமல்ஹாசன், 'வரவிருக்கும் நாடாளுமன்ற தேர்தலில் 40 தொகுதிகளுக்கும் வேட்பாளர்களை தேர்வு செய்ய ஒரு குழு அமைக்கப்பட்டுள்ளதாக தெரிவித்த கமல், நாடாளுமன்ற தேர்தலில் தான் போட்டியிடுவது உறுதி என்றார்.

மேலும் ஒத்த கருத்துக்கள் உடைய கட்சிகளுடன் கூட்டணி என்றும், தமிழகத்தின் மரபணுவை மாற்ற முயற்சிக்கும் கட்சிகளுடன் கூட்டணி இல்லை என்றும் வழக்கம் போல் புரியாத கருத்து ஒன்றையும் தெரிவித்தார்.

மேலும் இடைத்தேர்தல் வந்தால் மக்கள் நீதி மய்யம் வேட்பாளர்களை நிறுத்தும் என்றும், இடைத்தேர்தல் அறிவிக்கப்பட்டால் அதுதொடர்பாக தானும் அறிவிப்புகளை வெளியிட உள்ளதாகவும் தெரிவித்தார்

கமல்ஹாசன் தான் அடுத்த முதல்வர் என அவருடைய கட்சியினர்களும் ரசிகர்களும் கூறிக்கொண்டு வரும் நிலையில் பாராளுமன்ற தேர்தலில் போட்டியிட கமல் முடிவு செய்திருப்பது அனைவருக்கும் ஆச்சரியத்தை அளித்துள்ளது.