தேர்தல் பிரச்சாரம் ஒருபக்கம் பரபரப்பாக நடந்து வரும் நிலையில் இன்னொரு பக்கம் வருமான வரித்துறையினர் அதிரடியாக சோதனை செய்து எதிர்க்கட்சி வேட்பாளர்களை பயமுறுத்தி வருகின்றனர். குறிப்பாக வேலூர் தொகுதி திமுக வேட்பாளர் கதிர் ஆனந்த் வருமான வரித்துறையினர்களின் வளையத்தில் உள்ளதாக தெரிகிறது.

இந்த நிலையில் இந்த சோதனை மத்திய அரசின் பழிவாங்கும் நடவடிக்கை என வழக்கம்போல் திமுகவும், இந்த சோதனைக்கும் ஆளும் அரசுக்கும் எந்த சம்பந்தமும் இல்லை என அதிமுக, பாஜகவினர்களும் கூறி வருகின்றனர்.

இந்த நிலையில் வருமான வரிச்சோதனை குறித்து மக்கள் நீதி மய்யம் கட்சியின் தலைவரும் நடிகருமான கமல்ஹாசன் கூறியபோது, 'வருமானவரி சோதனை செய்பவர்களும், செய்யப்படுபவர்களும் உத்தமர்கள் அல்ல என்றும், வருமான வரி சோதனை என்பது தப்பு செய்தவர்களுக்கு திகிலூட்டும் விஷயம் தான் என்றும் தெரிவித்துள்ளார்.