சிறுவனின் செயலை காப்பியடிக்கலாமா? ஸ்டாலினை நேரடியாக விமர்சனம் செய்த கமல்
- IndiaGlitz, [Monday,February 18 2019]
மக்கள் நீதி மய்யம் கட்சியின் தலைவர் கமல்ஹாசன் நேற்று கல்லூரி நிகழ்ச்சி ஒன்றில் கலந்து கொண்டபோது, ரஜினியை மறைமுகமாக தாக்கிய அவர் திமுக தலைவர் ஸ்டாலினை நேரடியாக விமர்சனம் செய்துள்ளார்.
கிராமசபை என்ற ஒரு அமைப்பு பல ஆண்டுகளாக இருந்து வரும் நிலையில் தற்போது அரசியலில் புதியதாக நுழைந்துள்ள தான் கிராம சபையை நடத்தி வருவதை பார்த்து காப்பி அடிக்கலாமா? என்று கேள்வி எழுப்பியுள்ளார்.
மேலும் சட்டசபைக்கு நான் சென்றால் சட்டையை கிழித்து கொண்டு வெளியே வரமாட்டேன் என்றும், ஒருவேளை சட்டை கிழிந்தாலும் வேறு சட்டை அணிந்து கொண்டு தான் வெளியே வருவேன் என்றும் கமல் கூறினார். மேலும் திமுகவை தான் விமர்சனம் செய்வதற்கு காரணம் அவர்களேதான் என்றும், கூட்டணியில் இணையவில்லை என்பதற்காக தான் விமர்சனம் செய்யவில்லை என்றும் கூறினார்.