அரசியல்வாதிகளை நான் ஒருவனே பார்த்து கொள்கிறேன்: ரசிகர்களுக்கு கமல் கோரிக்கை
- IndiaGlitz, [Monday,July 24 2017]
உலக நாயகன் கமல்ஹாசன் கடந்த சில நாட்களாக தமிழக அரசு மீது ஊழல் குற்றச்சாட்டு சுமத்தி வருவதும் அதற்கு தமிழக அமைச்சர்கள் கமல்ஹாசனுக்கு கண்டனம் தெரிவித்து வருவதும் தெரிந்ததே.
இந்த நிலையில் சில கமல் ரசிகர்கள் சிலர் அரசுக்கு எதிராகவும், கமல்ஹாசனுக்கு ஆதரவாகவும் ஆவேச வார்த்தைகளுடன் கூடிய போஸ்டர்களை மதுரை உள்ளிட்ட ஒருசில நகரங்களில் ஒட்டி வருகின்றனர்.
இதுகுறித்து கமல்ஹாசன் தனது சமூக வலைத்தளத்தில் கூறியபோது, 'தரந்தாழாதீர்.வய்து சுவரொட்டிகள் ஒட்டும் செலவு நற்பணிக்குப்போகட்டும். நாடுகாக்கும் நற்பணிக்கு மட்டுமே நீ தேவை இவருக்கு பதிலளிக்க நானே போதும்' என்று பதிவு செய்துள்ளார். கமல்ஹாசனின் இந்த வேண்டுகோளை அடுத்து போஸ்டர்கள் ஒட்டுவதை ரசிகர்கள் நிறுத்திக்கொள்வார்களா? என்பதை பொறுத்திருந்து பார்ப்போம்.
தரந்தாழாதீர்.வய்து சுவரொட்டிகள் ஒட்டும் செலவு நற்பணிக்குப்போகட்டும். நாடுகாக்கும் நற்பணிக்கு மட்டுமே நீ தேவை இவருக்கு பதிலளிக்க நானே போதும்
— Kamal Haasan (@ikamalhaasan) July 23, 2017