உலகநாயகன் கமல்ஹாசன் வரும் பிப்ரவரி 21ஆம் தேதி அரசியல் கட்சியை தொடங்கி அரசியல் பயணத்தை ஆரம்பிக்கவுள்ள நிலையில் இன்று காலை அவர் தனது முதல் பயணத்திற்கு 'நாளை நமதே' என்ற பெயரை வைத்தார். இந்த நிலையில் இதே பெயரில் தற்போது ஆடியோ ஒன்றை அவர் தனது சமூக வலைத்தளத்தில் வெளியிட்டுள்ளார். அந்த வீடியோவில் அவர் கூறியிருப்பதாவது:

நேற்றையும் இன்றையும் ஆய்ந்து அறிந்தால் நாளை நமதே.
பார்த்ததைப் பயின்றதைப் பழகி நடந்தால் நாளை நமதே
நிலமும் நீரும் பொதுவெனப் புரிந்தால் நாளை நமதே
எனக்கே எனக்கு என்று முந்தாதிருந்தால் நாளை நமதே
மூத்தோர் கடனை இளையோர் செய்தால் நாளை நமதே
அனைவரும் கூடி தேரை இழுத்தால் நாளை நமதே
சலியா மனதுடன் உழைத்து வாழ்ந்தால் நாளை நமதே
முனைபவர் கூட்டம் பெருகிவிட்டால் நாளை என்பது நமதே, நமதே
கிராமியமே நமது தேசியம் என்றால் நாளை நமதே, நிச்சயம் நமதே
தமிழர், தமிழால் இணைக்கப்பட்டால் நாளை நமதே, நிச்சயம் நமதே..

இந்த ஆடியோவுடன் கூடிய வீடியோ சமூக இணையதளங்களில் வைரலாகி பரவி வருகிறது.