சமீபத்தில் கோவையில் நடைபெற்ற மாநாடு ஒன்றில் மக்களவை மற்றும் சட்டமன்ற இடைத்தேர்தல் வேட்பாளர்களை மக்கள் நீதி மய்யம் கட்சியின் தலைவர் கமல்ஹாசன் அறிவித்தார். இன்று மதியம் 3 மணியுடன் வேட்புமனு தாக்கல் முடிவடைவதால் கமல்ஹாசனால் அறிவிக்கப்பட்ட மக்கள் நீதி மய்யம் கட்சியின் வேட்பாளர்கள் அனைவரும் இன்று காலை முதல் வேட்புமனுக்களை தாக்கல் செய்தனர்.

இந்த நிலையில் மக்கள் நீதி மய்யம் கட்சியின் பெரம்பலூர் வேட்பாளர் செந்தில்குமார் வேட்புமனு தாக்கல் செய்ய மதியம் 3.20க்கு வந்தார். ஆனால் வேட்புமனு தாக்கல் நேரம் 3 மணியுடன் முடிந்துவிட்டதால் அவரது வேட்புமனு ஏற்க தேர்தல் அதிகாரிகள் மறுத்துவிட்டனர். செந்தில்குமார் எவ்வளவோ வாதாடியும் அவரது வேட்புமனு ஏற்றுக்கொள்ளப்படவில்லை

இதனால் 40 தொகுதிகளிலும் வெற்றி பெறுவோம் என்ற நம்பிக்கையில் இருந்த மக்கள் நீதி கட்சியின் தொண்டர்கள் தங்கள் வெற்றியில் ஒரு தொகுதி குறைந்து போனதால் அதிர்ச்சி அடைந்துள்ளனர்.