மொரீஷியஸ் தீவில் படமாகும் முதல் முழு இந்திய படம். கமலின் மெகா திட்டம்
- IndiaGlitz, [Saturday,January 23 2016]
'தூங்காவனம்' படத்திற்கு முன்பே கமல் ஒரு ஆக்சன் த்ரில்லர் படத்தில் நடிக்க முடிவு செய்து அதற்கான லோகேஷனை மொரீஷியஸ் தீவில் பார்த்து வைத்திருந்தார் என்ற செய்தி அனைவரும் அறிந்ததே. ஆனால் திடீரென 'தூங்காவனம்' படத்தை தொடங்கி அந்த படத்தையும் கடந்த தீபாவளி தினத்தில் ரிலீஸ் செய்து மாபெரும் வெற்றிப்படமாக கமல் மாற்றிவிட்டார்.
இந்நிலையில் கமல்ஹாசன் மீண்டும் தான் ஏற்கனவே திட்டமிட்ட மொரிஷியஸ் தீவு படத்தை விரைவில் தொடங்கவுள்ளதாக கூறப்படுகிறது. ஆனால் கமல்ஹாசன் தனது மகள் ஸ்ருதிஹாசனுடன் முழுக்க முழுக்க அமெரிக்காவில் தயாராகவுள்ள படத்தை அடுத்தே இந்த மொரீஷியஸ் தீவு படம் ஆரம்பமாகும் என்று செய்திகள் வெளிவந்துள்ளது.
'தூங்காவனம்' இயக்குனர் ராஜேஷ் எம்.செல்வா இந்த படத்தை இயக்கவுள்ளதாகவும், இதுவரை எந்த ஒரு இந்திய திரைப்படமும் முழுக்க முழுக்க மொரிஷியஸ் தீவில் படமாக்கப்பட்டது இல்லை என்றும் கமல்ஹாசனின் இந்த படம்தான் முழுக்க முழுக்க மொரிஷீயஸ் தீவில் படமாக்கப்பட்ட இந்திய திரைப்படம் என்ற பெருமையை பெறவுள்ளதாகவும் கூறப்படுகிறது.