கமல்ஹாசனின் மக்கள் நீதி மய்யம் கட்சியின் பொதுக்கூட்டம் இன்று திருச்சியில் நடைபெறவுள்ளதை அடுத்து நேற்று அவர் சென்னையில் இருந்து ரயில் மூலம் திருச்சி சென்றார். திருச்சியில் கமலுக்கு அவரது கட்சியினர் சிறப்பான வரவேற்பு கொடுத்தனர்

இந்த நிலையில் திருச்சியில் இறங்கியதும் கமல்ஹாசன், கடந்த மாதம் போக்குவரத்து காவலர் ஒருவரின் தகாத செயலால் உயிரிழந்த உஷாவின் வீட்டிற்கு சென்று அவரது கணவருக்கு ஆறுதல் நேரில் ஆறுதல் கூறினார். ஏற்கனவே உஷா உயிரிழந்தபோது கமல்ஹாசன், அவருடைய கணவரிடம் தொலைபேசி மூலம் ஆறுதல் கூறியிருந்தார் என்பதும், சென்னையில் நடந்த மகளிர் தின கூட்டத்தின்போது உஷாவின் குடும்பத்திற்கு ரூ.10 லட்சம் நிதியுதவி அறிவித்திருந்தார் என்பதும் குறிப்பிடத்தக்கது. இன்றைய சந்திப்பின்போது அறிவித்த ரூ.10 லட்சத்தை உஷாவின் கணவரிடம் கமல் அளித்தார் என்பதும் குறிப்பிடத்தக்கது.

கமல்ஹாசனின் இந்த மனிதாபிமான செயலை சமூக வலைத்தள பயனாளிகளும், நெட்டிசன்களும் பாராட்டி வருகின்றனர்.