உலக நாயகன் கமல்ஹாசன் அரசியல் கட்சி தொடங்குவதற்கு முன்பே தமிழகத்தின் அடிப்படை தேவைகள் என்ன? அதற்கான தீர்வுகள் என்ன? என்பதை ஆராயத்தொடங்கிவிட்டார்

சமீபத்தில் ஹார்வர்டு பல்கலையில் உரையாற்ற அமெரிக்கா சென்ற கமல்ஹாசன், அங்கு தமிழக இளம் விஞ்ஞானி கே.ஆர் ஸ்ரீதரை நேரில் சந்தித்து பேசினார். இவர் ப்ளூம் பாக்ஸ் என்ற முரையில் நமக்கு தேவையான மின்சாரத்தை நாமே தயாரித்து கொள்ளும் திட்டத்தை கண்டுபிடித்தவர்.

இந்த திட்டத்தை தமிழகத்தில் பயன்படுத்தி தமிழகத்தில் தடையில்லா மின்சாரம் ஏற்படுத்த தமிழக விஞ்ஞானி ஸ்ரீதருடன் கமல், அமெரிக்காவில் ஆலோசனை செய்தார். இந்த திட்டம் தமிழகத்தில் நிறைவேற்றப்பட்டால் தமிழகம் மட்டுமின்றி இந்தியாவே பெருமையடைவதோடு, தமிழகத்தை ஒளிமயமாக்கலாம் என்பது குறிப்பிடத்தக்கது. கமல்ஹாசனின் இந்த முயற்சி குறித்து விஞ்ஞானி ஸ்ரீதர் கூறியபோது, இந்த திட்டத்தை தமிழகத்தில் குறிப்பாக தமிழக கிராமங்களில் செயல்படுத்துவது குறித்து கமல் கேட்டுக்கொண்டதாகவும் இதுகுறித்து அவர் விரிவாக விவாதித்ததாகவும் கூறினார்.