ஸ்டாலின் - கமல்ஹாசன் சந்திப்பு: வைரலாகும் புகைப்படம்!
- IndiaGlitz, [Tuesday,May 04 2021]
தமிழகத்தில் நடைபெற்று முடிந்த சட்டமன்ற தேர்தலில் திமுக அமோக வெற்றி பெற்றது என்பதும் அக்கட்சி பத்து ஆண்டுகளுக்குப் பின்னர் மீண்டும் தமிழகத்தில் ஆட்சியை பிடித்துள்ளது என்பதும் தெரிந்ததே
திமுக தலைவர் ஸ்டாலின் அவர்கள் இன்னும் ஒரு சில நாட்களில் தமிழக முதல்வராக பொறுப்பேற்க உள்ளார். முதல் முறையாக தமிழக முதல் அமைச்சர் பதவியை பொறுப்பேற்க இருக்கும் ஸ்டாலினுக்கு திரையுலகினர், அரசியல்வாதிகள், தொழிலதிபர்கள் உள்பட பலரும் வாழ்த்துக்களை தெரிவித்து வருகின்றனர்
இந்த நிலையில் மக்கள் நீதி மய்யம் கட்சியின் தலைவரும் உலகநாயகன் நடிகருமான கமல்ஹாசன் சற்று முன்னர் முதல்வர் பதவி ஏற்க இருக்கும் திமுக தலைவர் ஸ்டாலின் அவர்களை நேரில் சந்தித்தார். முதல்வராக பொறுப்பேற்க இருக்கும் ஸ்டாலினுக்கு அவர் தனது வாழ்த்துக்களையும் தெரிவித்துள்ளார் என்பது குறிப்பிடத்தக்கது. இதுகுறித்த புகைப்படம் தற்போது இணையதளங்களில் வைரலாகி வருகிறது
நடைபெற்று முடிந்த சட்டமன்ற தேர்தல் பிரச்சாரத்தின்போது கமல்ஹாசன் திமுகவை கடுமையாக விமர்சனம் செய்திருந்தாலும் அரசியல் நாகரீகம் கருதி திமுக வெற்றி பெற்றவுடன் முதல் நபராக திமுக தலைவர் ஸ்டாலின் அவர்களுக்கு தனது டுவிட்டரில் வாழ்த்து தெரிவித்தார் என்பதும் தற்போது நேரில் வந்து பூங்கொத்து கொடுத்து முதல்வராக பதவி ஏற்க இருக்கும் ஸ்டாலினுக்கு தனது வாழ்த்தை தெரிவித்து உள்ளார் என்பது குறிப்பிடத்தக்கது.