நடிகர் கமல்ஹாசன் கடந்த சில மாதங்களுக்கு முன்னர் அரசியல் கட்சி ஆரம்பித்து பிசியாக உள்ளார். 'விஸ்வரூபம் 2' ரிலீஸ், 'பிக்பாஸ் 2' ஆகிய பணிகளுக்கு இடையே அவர் அரசியல் பணிகளிலும் ஈடுபட்டு வருகிறார்.

இந்த நிலையில் கமல் கட்சிக்கு அங்கீகாரம் கிடைத்துள்ளதாகவும், இதற்காக தேர்தல் கமிஷன் அழைப்பின்பேரில் கமல் டெல்லி சென்றதாகவும் இன்று காலை தகவல்கள் வெளிவந்தது. இதனையடுத்து டெல்லி சென்றா கமல், டெல்லி முதல்வர் அரவிந்த் கெஜ்ரிவாலையும் சற்றுமுன் மரியாதை நிமித்தமாக சந்தித்தார்.

இந்த நிலையில் இன்னும் சற்று நேரத்தில் காங்கிரஸ் தலைவர் ராகுல்காந்தியை சந்திக்க அப்பாயிண்ட்மெண்ட் கிடைத்திருப்பதாக சற்றுமுன் தகவல் வெளிவந்துள்ளது. ஏற்கனவே கர்நாடக முதல்வர் குமாரசாமி பதவியேற்பு விழாவின் போது ராகுல்காந்தியை சந்தித்த கமல் மீண்டும் அவரை சந்திக்கவிருப்பது அரசியல் வட்டாரத்தில் பரபரப்பை ஏற்படுத்தியுள்ளது. மேலும் இந்த சந்திப்பு வரும் பாராளுமன்ற தேர்தலில் புதிய கூட்டணியை ஏற்படுத்துமா? என்பதை பொறுத்திருந்து பார்ப்போம்