கிறிஸ்டோபர் நோலனிடம் கமல் மன்னிப்பு கேட்டது ஏன் தெரியுமா?
- IndiaGlitz, [Saturday,March 31 2018]
ஹாலிவுட் சூப்பர் இயக்குனர் கிறிஸ்டோபர் நோலன் அவர்களை கமல் சந்திக்கவுள்ளார் என்று வெளியான செய்தியை ஏற்கனவே பார்த்தோம். இந்த நிலையில் அந்த சந்திப்பு தற்போது நடைபெற்றுவிட்டது. இந்த சந்திப்பு குறித்து கமல்ஹாசன் தனது சமூக வலைத்தளளத்தில் பதிவு செய்துள்ளார்.
இந்த சந்திப்பின்போது கிறிஸ்டோபர் நோலன் இயக்கிய 'டன்க்ரிக்' படத்தை தான் டிஜிட்டல் வடிவில் பார்த்ததற்கு கமல் மன்னிப்பு கேட்டு கொண்டாராம். இந்த படம் சமீபத்தில் மூன்று ஆஸ்கார் விருதுகளை பெற்றது என்பது குறிப்பிடத்தக்கது.
மேலும் 'டன்க்ரிக்' படத்தை டிஜிட்டலில் பார்த்ததற்கு பதிலாக கமல்ஹாசன் தான் நடித்த 'அன்பே சிவம்' படத்தின் டிவிடியை அவரிடம் கொடுத்ததாக கூறியுள்ளார். மேலும் கமல்ஹாசனின் பாபநாசம் படத்தை கிறிஸ்டோபர் நோலன் பார்த்து ஆச்சரியப்பட்டதாகவும் தெரிவித்தாராம்.