எங்கள் தலைமுறையின் நடிகர் திலகம் இவர்தான் : ரஜினிகாந்த்
- IndiaGlitz, [Monday,August 22 2016]
சூப்பர் ஸ்டார் ரஜினிகாந்த் அவர்களும், உலக நாயகன் கமல்ஹாசன் அவர்களும் கடந்த பல ஆண்டுகளாக உயிர் நண்பர்களாக இருந்து வருகின்றனர். கமல்ஹாசனுக்கு விருது கிடைக்கும்போது ரஜினிகாந்த் வாழ்த்து தெரிவிப்பதும், ரஜினிக்கு பத்ம விருதுகள் கிடைக்கும் போதெல்லாம் கமல்ஹாசன் வாழ்த்துவதும் வழக்கமான ஒன்றாகும்
இந்நிலையில் பிரான்ஸ் அரசு நேற்று கமல்ஹாசனுக்கு செவாலியே விருது வழங்கி கெளரவித்த நிலையில் ரஜினிகாந்த் தனது சமூக வலைத்தளத்தில் வாழ்த்து தெரிவித்துள்ளார். அவர் தனது சமூக வலைத்தளத்தில் கூறியிருப்பதாவது: எங்கள் தலைமுறையின் நடிகர் திலகம் செவாலியர் அருமை நண்பர் கமல்ஹாசன் அவர்களுக்கு என்னுடைய மனமார்ந்த பாராட்டுக்கள்' என்று தெரிவித்துள்ளார்.
கமல்ஹாசனுக்கு வாழ்த்து தெரிவித்து ரஜினிகாந்த் பதிவு செய்த இந்த டுவீட் ஒரு மணி நேரமே ஆன நிலையில் இந்த பதிவுக்கு 1,300 ரீடுவிட்டுகளும், 2,500 லைக்குகளும் பெற்றுள்ளன என்பது குறிப்பிடத்தக்கது.
எங்கள் தலைமுறையின் நடிகர் திலகம் செவாலியர் அருமை நண்பர் கமல்ஹாசன் அவர்களுக்கு என்னுடைய மனமார்ந்த பாராட்டுக்கள்
— Rajinikanth (@superstarrajini) August 22, 2016