வீடு திரும்பினார் கமல்ஹாசன். 'சபாஷ் நாயுடு' படப்பிடிப்பு எப்போது?
- IndiaGlitz, [Friday,August 05 2016]
உலக நாயகன் கமல்ஹாசன் கடந்த சில நாட்களுக்கு முன்னர் தனது ஆழ்வார்ப்பேட்டை அலுவலகத்தின் மாடிப்படியில் இருந்து தவறி விழுந்ததால் காலில் லேசான எலும்பு முறிவு ஏற்பட்டது. சிகிச்சைக்காக மருத்துவமனையில் அனுமதிக்கப்பட்டிருந்த கமல்ஹாசனுக்கு இரண்டு அறுவை சிகிச்சைகள் அடுத்தடுத்து செய்யப்பட்டது.
கடந்த இரண்டு நாட்களுக்கு முன்னர் தனக்கு கால்வலி குறைந்துள்ளதாகவும் இருவர் துணையுடன் எழுந்து நடந்ததாகவும் தனது சமூக வலைத்தளத்தில் கமல் தெரிவித்திருந்தார்.
இந்நிலையில் இன்று காலை கமல்ஹாசன் மருத்துவமனையில் இருந்து டிஸ்சார்ஜ் செய்யப்பட்டு வீடு திரும்பியுள்ளதாக தகவல்கள் வெளிவந்துள்ளது. சில நாட்கள் ஓய்விற்கு பின்னர் 'சபாஷ் நாயுடு' படத்தின் அடுத்தகட்ட படப்பிடிப்பு குறித்த தகவலை கமல் தெரிவிப்பார் என எதிர்பார்க்கப்படுகிறது.