அரசியலுக்கு வர விஜய்க்கு அழைப்பு விடுத்த கமல்
- IndiaGlitz, [Saturday,June 30 2018]
கமல்ஹாசன், ரஜினிகாந்தை அடுத்து விஜய் அரசியலில் குதிப்பார் என்று அவரது கோடிக்கணக்கான ரசிகர்கள் ஆவலுடன் எதிர்பார்த்து காத்திருக்கின்றனர். விஜய் அரசியலுக்கு வர வாய்ப்பு இருப்பதாக அவரது தந்தையும் இயக்குனருமான எஸ்.ஏ.சந்திரசேகர் பல பேட்டிகளில் கூறியுள்ளார்.
இந்த நிலையில் 'மக்கள் நீதி மய்யம்' என்ற கட்சியை தொடங்கி நடத்தி வரும் உலக நாயகன் கமல்ஹாசனிடம் விஜய் அரசியலுகு வந்தால் அவரை வரவேற்பீர்களா? என்று ஒரு ரசிகர் கேள்வி எழுப்பியுள்ளார்.
இந்த கேள்விக்கு பதிலளித்துள்ள கமல்ஹாசன், 'எனது அனைத்து தம்பிகளையும் வரவேற்கிறேன், அதுவும் இவர் எனக்கு மிகவும் பிடித்த தம்பி, எனக்கு மட்டுமல்ல, அனைவருக்குமே பிடித்த தம்பி, கண்டிப்பாக வரவேற்கிறேன்' என்று கூறியுள்ளார்.
கமல்ஹாசனின் அழைப்பை ஏற்று நடிகர் விஜய் அரசியலில் குதிப்பாரா? என்பதை பொறுத்திருந்து பார்ப்போம்.